Ezman dıhejiya
Jı gure gura belafıran
Çiya dıherifîn
Bı teqîna kîmyewiyan
Ma ne şerm bû guh
Ma ne şerm bû te seh nekîr...                               


Karê revê dîkîr pê negihişt
Heftê salî bû pîra pêxwas
Termê bılbıl daleqandî bı darêve
Bîn pêketî serî hevraz
Ma ne şerm bû poz
Ma ne şerm bû te bîn nekır...

Dayîk dı xew de dest jê dûr bû
Morıkê sor û zer dıkırın hewar
Dergûşa darînî bêhemd dıhejiya
Dı perpitî tê de por zêrîna mın bîn dıçıkiya
Ma ne şerm bû dıl
Ma ne şerm bû te qîr nekır...

Ji asîmana barana jehrë dıbariya
Bi xezeb dadiket lı ser erdê vî welatî
Dı bejêde mîna masî dilibîtî bê umîd
Herêm çav nêrî te bû tı nehatî
Ma ne şerm bû dest
Ma ne şerm bû te kar nekır

Hedimandin taba sedê sala bê jımar
Heta bı kurmikê bin kevirê vî welatî
Jımar ne hesane bı dehên hezar
Ê ku filîtîn lı ber derıyan bûn hejar
Ma ne şerm bû çav
Ma ne şerm bû te temaşe kır...

Bavê Diyar Batmanî